&فنونه& ஐღஐ Admin ஐღஐ
عدد الرسائل : 185 تاريخ التسجيل : 11/12/2008
| موضوع: احـــــبك يا ماما الأحد ديسمبر 14, 2008 1:44 pm | |
| ]يُمه ... هَيّن ... !!
الهوى بعيون بنتكـ صار بيّن ...
ما يبي له من يعَلم ...!!
وصاحبي بالعشق أُستاذ ومُعَلِم
كيف اخبي ...؟!إنتي من جِدكـ يا يُمه ...؟!
. .وانا بنوته
وقلبي وردي ... وصغَـيّر ... ولَيّن
ايه احبه ...!!
يعني هذا اللي تبينه ...؟!
كيف اخبي وهذا دربي ...؟! والهوى مكتوب من ربكـ وربي . .
يوم شفته
متكشخ ... ومتعطر ... ومتزين
طاح كاسي
فدوته راسي ... وناسي
مو بكيفي ...!!
يُمه جنني بـ حنانه
ما يخون
الهوى عنده امانه
وريحة انفاسه دخون . .
مو طبيعي هالولد من جد يُمه
فيه ذوق ... وفيه شوق ... وفيه للعشاق عوق
يُمه يسلم لكـ حبيبكـ
والله نَسَاني حليبكـ
أي ورب الكون يُمه
. .
.يُمه لو تدرين عنه ...
قلتي لي فالكـ حبيبكـ
ايه احبه
ايه يمه
ايه اموت برعشة شفاهه واذا يسمح الَّـمّه . . . سامحيني لو حلفت إني لَـ " لِـمّه "
مو بكيفي
وضحكته خمري ... وكيفي
مو طبيعي
هالولد عمري وربيعي
وفوق هذا صار شاعر ...
كله يتغزل بخصري ... وريحة انفاسي وعطري ...
والعَرق لاسال قطرة فوق قطرة وطاح من جيدي إلى مركوز صدري
قال احبه هذا مِسككـ مو عرق يانور عيني
قلت ادري
قال ياحلوه غروركـ ...
وشمس وجهكـ تكسر عيوني بنوركـ
قلت كافي
قال شوركـ . . .
والله فعلاً مو طبيعي
إن عشق كله جنون
وإن حكى كله فنون ...
على راسي ما يهون
إيه يُمه
إيه احبه
واعصر ضلوعه واضمه
وانتشي من ريحة انفاسه ... " واذا يسمح اشمه" . . . . خلى لعيوني كثير من البنات ... على شاني
خلى فدوى وخلى لمياء وخلى خولة
ايه يُمه
وخلى اسماء بنت خاله ...
وخلى سارة بنت عمه
اللي ابوها اخو ابوه ... ودمها هو نفس دمه
باعهم لعيون بنتكـ ... واشتراني ...
شفتي يُمه ...؟!وآنا اراه إنه غرامي ... وهو بعد مثلي يراني ...
. . . . إلا احبه
إلا احبه
إلا احبه
واللي ما يسمعني يسمع ... إلا احبه
واعشق ترابه اذا داسه برجله
قال لي مَرة اناظر ...
قلت حاضر
يا الله ناظر
يوم ناظرني بكيت
ما تحملت الهوى بعيونه السوداء
وشكيت . . .
قال :ابوسكـ ...؟!
قلت :تعقل ... وإلا احوسكـ ...؟!
قال :انا اقصد على السنة
قلت: ليت
قال :والله لآخذكـ قدام اخوكـ ...
بعد ما تربط يديني في يدينكـ بأمر ابوكـ
قلت : تبطي ...؟!
قال : لا لا
قلت : لو ابطيت جيتكـ . . . . قال يسلم لي وفاكـ ...
قلبي قلبكـ ... وبيتي بيتكـ ...
لعن ابو من خان عشقكـ
وما حفظ عهده معاكـ ... وما رعاكـ ...
وما تذرى ظلال خصركـ وقت صيف
وما دفن نفسه بحضنكـ وخذ دفاكـ . . . . وإن خطبني لا تردونه يا يُمه ...
آنا ابيه
قولي ( تم )
لا تخلين العُمر يمشي الم ها يا يُمه ...؟!
قولي ( تم ) | |
|